دهند دپښتون واکمن سوري شیرشاه
دغه اوږد سړک چې ۲۵۰۰ کیلومټره واټن لري دهند دپښتون واکمن سوري شیرشاه له خوا جوړشوی دی .
دغه سړک داوسني بنګله دیش دچیټا کانګ دساحلي بندر نه بیل کیږي او دهند دبینګال ،دبیهار ، اتهرپردیش ، هاریانا او پنجاب دایالتونو نه تیریږي او لا هورته رسیږي او بیا له هغه ځایه پر پښتونخوا تیریږي او تورخم ، جلال اباد اوبیا کابل ته رسیږي .
شیرشاه سوري ددغې مشهورې لارې په دواړو غاړو ونې کښینولې څو مساپر دتودوخي په موسم کې دونو دسیوري نه ګټه واخلي . همداراز سوري شیرشاه دلارې په اوږدو کې ډیر کاروان سرایونه جوړکړل څو مساپر بکې دمه او استراحت وکړي . شیرشاه سوري ددغې تاریخي سړک په اوږدوکې څاه ګانې ( کوهیان ) وکیندل څو تږي مساپر ترې اوبه وڅښي . ده جوماتونه هم جوړکړل چې خلک پکې خپل عبادت وکړي .
دهمدې لارې په اوږدو کې دشیرشا سوري دډاګ یا پوسټي سیسټم دومره منظم و چې په پنځو ورځو کې به ډاګ یا پوسته دبینګال نه کابل ته رسیدله . البته دا دشیرشاه سوري دډاګ دسیسټم اوددې لارې برکت و.
