Saturday, 25 November 2017

د پښتنو ټولوژنه

Written by  Published in لیدلورئ Friday, 04 October 2013 15:19
Rate this item
(0 votes)

هغه متل دی چي وايي سل یې مړه کړل او ته یې لا بدي نه بولې.

نن په لکونؤ پښتانه مړه دي او لا یې هم بېخرته کوتره روانه ده ، خو دا بېچاره اولس ته دا هم نه ده څرګنده چي ۱ـ ګنا یې څه ده؟، ۲ـ دوښمن یې څوک دی؟ او نړۍ یې ولې وژنه په وژنه نه ګڼي؟

دا درې هغه پوښتنې دي چي هغه پښتون یې ځواب زده ده او نه وخت ورله لري چي هم مړ دی او هم پړ دی، هم په یوې مړۍ ډوډۍ پسې اریان دریان او هم ترهېدلی او کړېدلی دی او زخمي زخمي او اوتر اوتر دی.

دې پوښتنو ته پکار ده ځواب هغه پښتانه ووايي چي د روښاندۍ او ملتپالنې چیغې. او ورسره ورسره څه ناڅه په تن پټ او نس موړ دی او هم دومره بختور دي چي د نړۍ په هغو سیمو کښې اوسي چرته چي هیوادونه څښتنان لري. داسي څښتنان چي اینسانان خو څه چي د خپلو ځناورو او مرغانو تپوس یې دین او ایمان دی.

په ځانګړې توګه هغه پښتانه یادوو چي په لوېدیځه نړۍ اوسي چرته چي شپه او ورځ مالومات د د لمر د رڼا په شان راوریږي خو بیا هم دوی په ځان خپل غوږونه رااچولی دی او پټ ارام پکښې نغښتي پراته دي. خو بیا هم کله کله چي په مېلمستیاو کښې برخه اخلي نو خپلې دومره درنې او د بل دومره سپکې ووايي چي د کرزي نه رانیولې تر یوه تالیبه پوري هر څوک خو تورلوغوړن کي بس یوازي دوی سپین بازان وي.

د اوروپا او امریکې پښتنو ته پکار ده چي خپلې، پوهې، پنګې، اړیکؤ او رسنیو په مټ لومړی پښتانه کام ته او بیا نړۍ ته  د پورتنیو درېیو پوښتنؤ ځواب ورکي.

لومړی: د پښتنو د وژنې شمېر لاپخوا د سلو تېر دی. دا یوازي بدي نه بلکې ټولوژنه genocide  ده. موږ به ټول په ګډه نړۍ ته په ډېره ټینګه او بیا بیا وايي چي کومه وژنه چي د تورې کرغېړنې کرښې په دواړو خواوو کښې روانه ده هغه یوه ټولوژنه ده. او ټولوژنه چي هرچرته وي پکار ده ملګري ملتونه او د نړۍ نور زورور یې غم وکوي.

دویم: موږ به دا مالوموو چي موږ څه ګنا کړې ده؟ موږ نوره هیڅ ګنا نه ده کړې بس دومره ده چي خپله خاوره، تاریخ او پېژندنه لرو. خو ستونزه دا ده چي زموږ اولس په دې نه خبر. دا اولس رابیدارول غواړي. هغوی ته به د ملتپالنې روزنه ورکوو.

درېیم: د دې دومره وژنو سره سره موږ لا هم خپل دوښمن نه دی په ګوته کړی. پښتانه ملتپاله روښندویان به ډېر په زړورتیا او په ډاګه خپل اولس ته ورښيي چي تر څو چي پاکستان په اوسني شکل وي او په جنوبي افغانستان (کوټه او پېښور) یې ولکه کړی وي زموږ په کور کښې به د ترهګرۍ اور همداسي په غرغنډو وي او هر خوا ته به مرګو خپل سوری غوړولی وي.

Read 1746 times

Leave a comment

Joomla Template Developer
Joomla Template Developer

Custom Joomla Templates
Custom Joomla Extensions

Instant WordPress Themes
Instant WordPress Themes