خبري شننې

ننوتل

د اسلامي جمهوریتونو لنګه چرګه

د دویمې نړﺉوالې جګړې وروسته چي کله د برتانیې او فرانسې له لاسه نیول شوي هیوادونه یو په یو ازاد شول، نو په بېلابېلو سیمو کښې ورسره میلتپال او سوشلسټ غورځنګونه راپورته شول.

لوېدیځ له دې غورځنګونو سره په کوریا، وېتنام، افغانستان، او لاتیني امریکې کښې خونړي جنګونه وکول.

خو په اسلامي هیوادونو، په تېره بیا په اربي هیوادونو کښې چي لوېدیځ د میلتپالو او چپي غورځنګونو د ډغرې لپاره تر ټولو ښه درسته ملایان ول.

 د دې کار لپاره یې د اسلامي ډلو ټپلو بېلابېل برانډونه رامنځته کړل، لکه، تبلیغیان، اخوانیان، وهابیان، دیوبندیان، سلفیان او نور.

دا لاره ځکه ډېره ګټوره وه چي په ښکاره همدا اسلامي ډلې هم له لوېدیځ سره جوړې نه دي. مګر په په انتها کښې یې ټوله ګټه د لوېدیځ لپاره ده. ځکه چي دا ډلې یوازي په کور کښې دننه خپل خلک وژني او د پرمختګ مخه نیسي. په خوله که هرڅو دوی د لوېدیځ دوښمنﺉ نارې وهي خو ټول تاوان یې خپلو اولسونو ته رسیږي.

پخوا په نړﺉ کښې د اسلامي جمهوریت Islamic Republic په نامه هیڅ هیواد نه و. او د دویمې نړﺉوالې جګړې راوروسته تر درېیو لسیزو پوري هم په نړﺉ کښې هیڅ اسلامي جمهوریت نه و. د ۷۰یمې په لسیزې کښې یې لومړﺉ تجربه د لوېدیځ په همېشني دوست هیواد پاکستان کښې د لومړني اسلامي جمهوریت تجربه وکوله. ورپسې ایران، بیا افغانستان، بیا عراق، اوس تیونس، لیببیا، میسر او نور هیوادونه په کتار کښې دي. داسي وګڼه د اسلامي جمهوریتونو چرګه لنګه ده.

کله چي د نړﺉ ټول اسلامي هیوادونه په اسلامي جمهوریتونو واوړي هله به د نوي جهاني اوډون یا New World Order چاره هم ترسره شي، او له دې سره به د لوېدیځ نیواک د همېشه همېشه لپاره پایښت ومومي.

ملایان به په خپلو ازانونو باندي خوښ وي، او لوېدیځ به خپل تېل ، ګاز وړي او سوداګري به یې ښه په درځ روانه وي، او که په دې اولسونو کښې کوم ښاغلی راپیدا کیږي نو د هغه انجام به دا وي چي یا به چیري په یوه چوک باندي په تېزندﺉ کیږي یا به د کاپر فتوا ورباندي لګول کیږي. 

Comments (0)

2500 characters remaining

Cancel or

Afghan Jirga on FAcebook

Afghan Jirga on Twitter

 Afghan Jirga on Yotube