خبري شننې

کریم آغا خان او د هغه سیاسی ، مذهبي او اقتصادی مافیا په افغانستان کی: لنډ تاریخ ته کتنه-

کریم آغا خان او د هغه سیاسی ، مذهبي او اقتصادی مافیا په افغانستان کی: لنډ تاریخ ته کتنه- خلیل الله د شیعه ګانو د اسماعیلی فرقی پنځه څلويښتم امام او د ایران د کاهک د سیمی اصل اوسیدونکی ؤ. هغه خپل ځآن د علی ابن طالب د اولاد څخه ګڼه او ځان ته یی هندی او ایرانی مریدان هم درلودل . په کال ۱۸۱۷ م کی  یوه شخړه چه د هغه د مریدانو او د سیمی د دوکاندارانو تر منځ راپیښه سوه ، د خلیل الله پر مرګ تمامه سوه. دده د پیرئ په مسند د هغه زوی حسن علی کښناست ( د اسماعیلی ۴۶ امام ) . د خلیل الله د مرګ څخه وروسته ، د هغه کورنئ د ولږی او غریبئ سره مخامخ سوه او دا راز کاهک یی پريښود او د ایران نامتو مذهبی ښار قم ته کډه شوه. په قم کی هم دوی د
غریبئ نه خلاص نه شول او په پای کی د حسن علی  مور او پخپله حسن علی تهران ته مخه کړه چه  هلته د واکمن فتح علی قاجار نه مالی مرستی تر لاسه کړي. ( یادونه: دا هغه زمانه ده چه قاجاریان په ایران کی واکمن دي ، پرنګئ سیمی

ته راغلی او د افغان په کور د یرغل هوډ لري ، په  ۱۸۳۹ میلادی کی بیا لومړی افغان- انګلیس جنګ

وسو.) فتح علی قاجار د هغوی غصب شوی مځکي بیرته ورکړی او ان خپل یوه لور چه  سرو جهان نومیده ، امام حسن علی ته ورنکاح کړه. حسن علی ، دقاجاری دربار زوم  شو او همدا راز دی لومړی د قم والی او بیا د کرمان والی وټاکل شو. فتح علی قاجار  خپل نوی زوم امام حسن علی ته آقا( آغا) خان لقب ورکړ او دی نه وروسته دی په همدی نوم نومیالی سو. دا راز دئ د اسماعیلی ډلی لومړی آغا خان هم دی.

 د فتح علی شاه قاجار د مرګ څخه وروسته د هغه لسمی محمد علی شاه قاجار د ایران په تخت کیښناست . دا نوی قاجاری واکمن د حسن علی د بد نیت او جاه پرستی نه ښه خبر ؤ. د دواړو ترمنځ اختلافات ورځ په ورځ په زیاتیدو ول او وروسته  د حسن علی د مریدانو او د قاجاری واکمن د ځواکونو تر منځ ځنی نښتی وسوی چه په پای کی حسن علی ماتی وخوړی او دی افغانستان ته په کال ۱۸۴۱میلادی کی فرار سو!! ( توره بلا د افغان کوره ته راننه وته او له همدی ورځی زمونږ د بدبختي داستان پیل کیږي !! ) دا وخت د لومړی افغان-انګلیس جنګ د زمانی  سره سمون خوري او پرنګئ کابل ته رارسیدلی دی . حسن علی چه یو ډیر ټیټ او ابن الوقت سړی ؤ ، پرنګی جنرانل میک ناټن ته یی داسی ولیکل: زه اماده یم چه د خپلو مریدانو سره په هرات یرغل وکړم خو پدی شرط چه د هرات واکمنی به ماته راکوئ !

میکناتن دا وړاندیز ومانه خو له نیکه مرغه پرنګئ په کابل کی د وزیر اکبر خان په لارښوونه یو ناڅاپی او بربادونکی ماتی سره مخامخ سو او له افغان خاوری نه په تیښته مجبور سو. له دوی سره د دوی دا نوی زر خرید غلام حسن علی هم د برطانوی هند خاوری ته وتښتید. دا زموږ د تاریخ په پاڼو کی د افغانستان او د آغاخانیانو  لومړی کتنه او تصادف ؤ . همدا راز پرنګیانو هم ځآن ته یو ډیر بی ایمانه  مذهبی لارښود پیدا کړ چه هغه د پیسو او دولت په بدل کی دی ته اماده ؤ چه د پرنګی لپاره هر څه وکړي . پرنګی ته د حسن علی په شکل کی یوه لویه طلایی مارغه په لاس ورغله کومه چه د افغان په لاس د پرنګي د تازه ماتی د زخمونه لپاره  اغیزمن مرهم کیدای شو. همدلته د پرنګیانو او آغاخانیانو سیاسی نکاح سره وتړل سوه او دواړو د افغان پر ضدیو اوږد جنګ ته ملا وتړله.

 لومړی آغا خان:

آغا خان څوک دی ؟؟؟  دوهمه برخه

لومړی آغا خان:     

 

لکه څنګه چه په لومړئ برخه کی ذکر شو چه د اسماعیلی ډلی  دا لومړی آغا خان ( حسن علی )  په لومړي افغان- انګلیس جنګ کی د انګلیس د ماتی څخه وروسته د خپل بادار سره د برطانوی هند خاوری ته وتښتید. هلته یی د پرنګي په مرسته او لارښوونه خپل منافقانه مذهبی کړنو ته پراختیا ورکړه او ځان ته نوي مریدان هم پیدا کړل. پرنګیانو چه ولید چه آغا خان د هغوی لپاره د مذهب په جامه کی يو ډیر ګټور کردار کیدای شي نو په هند کی یی د هغه په سیاسی ، مذهبی او اقتصادی مرستو لاس پوری کړ او هغه یی ډیر ونازوه.  د دی اندازه خو لدی نه هم لګولای سو چه د بریطانیی پاچا ادورد پنځم  هند ته د خپل سفر په ترڅ کی لومړی آغا خان  ته د اعلیحضرت  لقب  هم  ورکړ!!!!

دوم آغا خان:

په ۱۸۸۱ م کی د لومړی آغا خان ( حسن علی ) د مرګ نه وروسته د هغه زوی  آغا علی شاه (دووم آغا خان ) د هغه ځای ناستی شو. ( دا  د دوم افغان-انګلیس جنګ د پای وخت دی ) . ده هم د خپل پلار په پل ، پل کیښود او د انګلیس سره خپلو سیاسی مرستو ته یی دوام ورکړ. د انګلیس په سیاسی او اقتصادی مرسته ، دی وتوانیده چه د پرنګی د چتر لاندی د اسماعیلی ډلی عقاید د جنوبی آسیا مختلفو برخو او ان د منځنی آسیا هیوادو ته هم ورسوي . پرنګي دا فکر وکړ چه د اسماعیلی ډلی او آغا خان تر پردی شا دوی به خپل سیاسی نفوذ دی سیمو کی په چټکی سره خپور کړ او وروسته همداسی هم وشو او اوس هم دا لړی دوام لري.

 

دریم آغا خان:

 

دریم آغا خان ( سلطان محمد خان ) په کراچی ښار کی سترګی پرانستی .دا هماغه آغا خان ؤ چه د پرنګی د بل روزل شوی مزدور محمد علی جناح په ګډون  د پاکستان په جوړښت کی اساسی رول ولوباوه !! د برطانوی ملکی وکتوریا هغه ته د برطانوی هند د پوځونو د عمومی سر لښکر (ستر درستیز ) خطاب هم ورکړ . په ۱۹۰۲ م کی د ملکه وکتوریا زوی پاچا ادورد اووم ، هم هغه ته د برطانوی پوځ د لوړ قوماندان خطاب ورکړ ( دلته د پرنګی د ګټو سیاسیت او د آغا خانی مذهب دی یووالی او سیاسی ګډون ته لږ ځیر شئ کوم چه تر  اوسه هم دوام لري! )

 

محمد علی جناح چه د پرنګي روزل شوی غلام ؤ ، د همدی دریم آغا خان د مریدانو  له ډلی څخه ؤ . همدی دوه کسانو ( محمد علی جناح او دریم آغا خان  سلطان محمد خان ) د پرنګی په مرسته وکولای سو چه د لوی افغانستان ځنی سیمی او د هند نوری سیمی سره یو ځای کړي او د پاکستان په نوم یو نوی هیواد جوړ کړي ، کوم چه بیا د پرنګی د اوږد مهالو ګټو لپاره به کارول کیږي .

دریم آغا خان د پرنګي د سیاسی پراختیا په موخه وتوانیده چه د افغانستان د ځینی سیمو شیعه هزاره ګان  اسماعیلی عقیدی ته را وړوي لکه د بغلان د کیهان د دری هزاره ګان  او  ځنی په کابل کی هم ځای پر ځای شول . همدا راز دوی وتوانیدل چه نه یواځی لوی افغانستان دوی برخی کړي او په سیمه کی د پرنګی  د سیاسی ګټو د خوندی کولو لپاره یو ګوډاګی هیواد د پاکستان په نوم جوړ کړی ، بر سیره پر دی دوی په ګران افغانستان کی د آغا خانی ډلی زهر جن تخم هم د هندو کش په درو کی وکاره کوم چه همدا اوس د زرغون کیدو په حال کی دی!! پاتی د پاکستان په نوم د لر او بر افغان ولس سره پدی تیرو څلورو لسیزو کی څه وشول ، نو دا خو ټولو ته روښانه ده او تکرار یی غوره نه بولم .

څلورم آغا خان ( پرنس کریم آغا خان ):

د دی پرنګی اسماعیلی ډلی اوسنی آغا خان  پرنس ( شاه زاده ) کریم آغان نومیږي کوم چه د تسلسل  له لوری څلورم آغا خان دی او د اسماعیلی ډلی ۴۹ امام هم ګڼل کیږي. ( مالوم ندی چه د کوم شاه یا پاچا نه پیدا دی   خو د خپل نوم سره شاه زاده خامخا لیکی!!!) دی په ۱۹۳۶م کال په جنیوا ( سویس ) کی پیدا شوی او د دریم آغاخان سلطان محمد شاه لمسی ده. ده زیاتره زده کړه او ژوند په غربی نړی کی کړی او د بریطانیی تابعیت لری . دی په ټوله نړی کی په سلګونو تجارتی حسابونه لري او زیاتره ګټه  له آسیا او افریقا نه تر لاسه کوي. همدا راز د نړی په ډیرو شتمنو خلکو کی راځي او په ملیاردونو دالر سرمایه په واک کی لري ( یوه تخمینه وایی کابو ۱۲ ملیارده دالر خو اصل اندازه یی خدای ته مالومه ده )!! پدی ډول  دی د دریمی نړی بی تاجه شهنشاه هم دی . دا شتمن د پرنګی میراث نه پیدا شوی او  پرنګي روزلی پدی سرمایه څه کوي او په سیمه کی څه پلان لري؟

 د کریم آغا خان بی سرحده نړیوال سلطنت:  

دریمه برخه:

 کریما آغا خان په ۱۹۳۶م کی په جینوا ( سویس ) کی پیدا شوی. پلار یی علی خان نومیده چه د دریم آغاخان ( سلطان محمد شاه ) زوی کیده او مور یی  جویان باربرا نومیده چه پرنګئ وه او د پرنګي نواب چرسټن لور کیده . دا نواب د هند د واسرای( ټولواک) کرزن ډیر نژدی سړی ؤ او لکه څنګه چه دریم آغا خان په برطانوی هند کی د پرنګیانو خاص سړی ؤ نو ځکه پرنګیانو ورسره فامیلی اړیکی هم جوړی کړی چه اوږدمهالی ګټی سره وپالي!! پلار یی ډیر بی لاری سړی ؤ او په پای کی هغه پرنګی میرمن هم ورنه جلا سوه ځکه چه په اخلاقی بی لارئ اخته ؤ. په زړه پوری خبره خو دا ده چه د آغا خان یو نا سکه ورور پیترک بنجامین ګینس نومیده چه یهودی ؤ او له یهودی مور ریتا هیورت نه پیدا ؤ کومه چه د اوسنی آغا خان د پلار دومه ماینه وه!  ( مور یی پرنګئ ، ورور یی یهودئ ، میره یی یهودئ ، پلار یی هغسی بی لاری او نیکه یی د هند نامتو شرابی!! خو دی بیا هم ۴۹ امام دی او په مزکه د خدای نور دی!! لومړی زده کړی په کینیا ، سویس او لوړی زده کړی په هارورد پوهنتون ( امریکا ) کی د تاریخ په مسلک کی ترسره کړي. په شل کلنی کی د نیکه د مرګه وروسته دی د ا مامت مقام ته ورسید.

 

د کریم آغا خان خپله لومړی ماینه یوه پرنګی ماډله( د جامو د فیشن رقاصه) وه او دومه واده له المانوی جبرایل زو لینګن سره وکړ. له دواړو میرمنو نه طلاق شوی او علت یی له پردیو ښځو سره ناروا اړيکی وی!! دا پداسی حال کی چه دی ځان ته په مزکه د خدای نور وایی او ځان د حضرت محمد (ص) اولاد هم ګڼي!! د ده نیکه دریم آغا خان ښاغلی سلطان محمد خان دومره لوی او نامتو شرابی ؤ چه د رسنیو په مخکی به یی ویل: زه دومره مقدس یم چه شراب هم زما په لاس کی پاکیږي او سپیڅلی اوبه ځنی جوړیږي!!!!!!

 

د کریم آغا خان اقتصادی امپراطوري:

 

لکه څنګه چه په دوهمه برخه کی ذکر شوی چه د نړی یو ډیر شتمن سړی دی . د نړیوالو شتمنو خلکو په لست کی په یوولسم نمبر دی پداسی حال کی چه د بریطانی اوسنی ملکه پدغه لست کی په دولسم نمبر ده!! د شتمنیو جال یی په ټوله نړی خپور دی .په زړه پوری خبره خو دادی چه د اسماعیلی عقیدی مطابق هر اسماعیلی د خپل کلنی آمدن څخه باید ۱۲.۵٪ګټه مستیقیما امام ته یانی آغا خان ته ورکړي!! د دوی د احصایی مطابق په نړی کی کابو ۳۰ ملیونه اسماعیلی ژوند کوي او له دی جملی څخه څلورم آغا خان ( پرنس کریم آغا خان ):یو لوی شمیر یی په کانادا، امریکا، اروپایی هیوادونو کی ژوند کوي او د آغا له برکته د لوی شتمنیو خاوندان هم دي. ددوی لویه برخه هم آغا خان ته پیسی ورکوي. د کریم آغا خان د شخصی  شتمنیو له دی جملی څخه په سلګونو نسلی اسان په فرانسه او ایرلینډ کی ، سلګونه فارمونه، د  تفریحی بیړیو یو لوی کلب په ساردینیا ( مدیترانی بحر کی یوه ښکلی جزیره ) کی ، د بهاماس په هیواد کی یوه شخصی ټاپو ( جزیره) ، دوه جت الوتکی او یوه هیلی کوپتر هم لري!!! دی نه پرته یوه تفریحی بیړي چه علمشار نومیږي ، سل ملیونه دالر ارزښت لري. همدا راز په سلګونو تجارتونه او د نړی ګران هوټلونو کی هم لویه برخه لري لکه د سرینا هوټل او داسی نور هوټلونه چه د هر هیواد په پلازمینه کی شتون لري.

د فرانسی د اسانو لوی فارمونه او د اسانو د مندي او سیالیو لوبځایونه او همدا راز په ایرلنډ کی دا شتمنئ په ملیونونه دالر ارزښت لري.

 

په نړی کی د آغا خان مریدان چیری اوسیږي؟؟

د غربی نړی  ( شمالی امریکا او اروپا نه پرته )  د ده مریدان په ختيځ افریقایی هیوادونو لکه کینیا ، تنزانیه ، یوګنډا ، موزمبیق، مالی  او د لاطینی امریکا ځینی هیوادونه لکه مداغاسکر او داسی نورو کی ژوند کوي. د ۷۰ په لسیزی کی ډیری مریدان یی له افریقا نه کاناډا او نورو اروپای هیوادو ته متقل کړل. همدا راز د منځنی ختيځ په هیوادونو لکه دوبی ، سوریا ، لبنان ، ایران، جنوبی آسیا په هیوادونو کی لکه  هند ، بنګله دیش ، پاکستان او د منځنی آسیا  په هیوادونو لکه افغانستان، تاجکستان ، قزاقستان او قرغیزستان کی ژوند کوي. په پاکستان ، افغانستان او د منځنی آسیا په هیوادونو کی چه کوم اسماعیلی اوسیږي ، دوی د ځانګړي اهمیت خاوندان دي او پر دوی به بیا بحث کوو. دوی د نوی لوی لوبی اصل لوبغاړی هم دي!!

 

 د آغا خان پرمختیایی شبکه: (Agha Khan Development Network, AKDN)

د آغا خان دا پرمختایی شبکه د دریمه نړی اوپه خاصه توګه د آسیا په هیوادونو کی خپره ده چه د دی تر چتر لاندی دوه سوه نوری اداری کار کوی. دا جال اوس په افغانستان او د منځنی آسیا په هیوادونو کی هم خپور شوی. دی سره اړند نور مهمی اداری د آغا خان د مایکروفنانس اداره ، د پلان ګزاری او پرمختیا اداره ، آغا خان بنیاد او داسی نوری په لسګونه اداری په کار بوخت دي.

ډیره په زړه پوری خبره خو دا ده چه دی همدا اوس د بریطانیی د مشترکه دولت د شاهي ټولنی مرستیال مشر هم دی!!! همدا راز د بریطانیی اوسنی ملکی الزبت دوم ده ته په ۱۹۵۷ کی د اعلیحضرت خطاب هم ورکړ کوم چه تر اوسه کارول کیږي. دا خطاب ده ته د ده د نیکه دریم آغا خان د مرګ نه وروسته ورکړل شو. د یادونی وړ دی چه د ده نیکه ته هم د بریطانیی پاچا ادورد پنځم د اعلیحضرت خطاب ورکړی ؤ!!!

هیله کوم چه د دی دری برخو د لوستلو نه وروسته تاسی پدی پوه سوی یاست چه آغا خان د تاریخ په اوږدو کی څوک ؤ او بیا څه ورنه جوړ شو؟؟؟ اوس د دی هر څه تړاو د نوی لوی لوبی ( NEW GREAT GAME) سره څه ده ؟

 

کریم آغا خان او د هغه شوم پلان: نوی لویه لوبه ( New Great Game)    څلورمه برخه

کریم آغا خان او د هغه شوم پلان: نوی لویه لوبه ( New Great Game)    څلورمه برخه  افغان خاوره  د خپل ستراتیژیک موقعیت له کبله تل د تاریخ په اوږدو کی  د لویو زبرځواکونو تر منځ د غوبل میدان پاتی سوی . د ښکیلاک ګرو او زبرځواکونه تر منځ دا سیالي ( لویه لوبه ) کابو دوه سوه کاله پخوا هغه وخت پیل سوه کله چه بریطانوی سلطنت افغان خاوری ته سترګی ونیولی او بلی خوا زاري روس هم دخپل پراختیایی سیاست پر بنسټ د منځنی آسیا ټول هیوادونه تر ولګی لاندی کړل او د آمو سیند غاړی ته راورسید . دلته پرنګی د ګواښ او خطر احساس وکړ او په افغان خاوره یی یرغل وکړ (  ۱۸۳۹ م ، ۱۸۷۹ م او په ۱۹۱۹ م کی  افغانانو سره دری جنګونه یی وکړل ) . د دویم جنګ په پای کی پرنګیان آخر پدی وتوانیدل چه د افغانستان بهرنئ سیاست په خپل کنترول کی واخلي او دا راز د افغانستان شمالی سرحدونه یی د زاري روس سره وټاکل. همدا راز پرنګیانو د روزل شوو اسماعیلی شیعه ګانو او محمد علی جناح په مرسته د افغانستان لوی برخه پنجاب/پاکستان  ته ډالی کړه. دا پاکستان یی بیا د کمونستی روس په مقابل کی د خپلو ګټو په موخو وکاروه او او په پای کی یی خپل تاریخی غلیم روس ته دوهمه ماته ورکړه! ددی لوی غوبل په پای کی افغان ولس د اور سکروټه سو او هیواد یی خاوری هیری!! خو اوس پرنګي او د هغه غربي انډیوالانو  پدی سیمه کی یوه بله لوبه پیل کړی چه هغه ته موږ نوی لویه لوبه ویلای سو. بدبختانه د تیرو لوبو په څیر دا لوبه بیا هم زموږ په خاوره کی اټکل سوی او د جنګ سکروټی یی هم افغانان دي!!

 لکه څنګه چه مخکی دا خبره ذکر شوی چه د آغا خانیانو/اسماعیلیانو او د پرنګیانو تر منځ د ګټو دا شرکت هم کابو دوه پیړئ پخوا د هند په خاوره پیل سوی خو اوس د ګټو دا تجارت خپل اوج ته رسیدلی! هغه څنګه؟ د دی نوی پرنګئ ( امریکایی ) لوبی د تفصیل لپاره راځی چه هغه لوبغالئ  په نښه کړو چه کوم ځای کی  دا شیطانی لوبه راونه ده!! دلوبی اصل لوبغاړي د اسماعیلی ډلی هغه شیعه ولس دی چه پرنګئ کریم آغا خان د خپل امام او لارښود په توګه مني او آغا خان بیا د پرنګي بنده ده!! د لوبی ځای هغه ده چیری چه د آسیا هسک غرونه د آسمان سره په ناز خبری کوي او ښاپیرئ د کوه قاف نه راڅرګندیږي ! دا د آسیا هغه نازولی هسک بام او تخت دی چه که چیری د پرنګي/امریکایی تر پښو لاندی شو نو بیا د آسیا ټول واک او زیرمی به په پیړیو د هغوی  په خدمت کی وي!! دا کومی سیمی دي ، دلته څوک میشته دي او لوبه څه ده؟ راځی دا لږ  په تفصیل سره ولولو:

  ۱)د افغانستان سیمی:   په افغانستان کی اسماعیلی شیعه ولس په کابل ، بامیان ، د بغلان په کیان دره ( سید کیان ) ، بدخشان او د واخان په هغه لرغونی سیمی کی میشت دي چه افغانستان د تاجکستان ، چین او د شمالی پښتونخواه د ګلګت بلتستان سره نښلوي. د اهمیت وړ سیمی واخان ، پامیر او بدخشان دي چیری چه اسماعیلی شیعه شتون لري . دلته آغا خان د غربیانو په مرسته خپلی هڅی ګړندی کړي ، پروژی یی په کار اچولي او په نژدی وختونو کی یو پل یی هم په دریای پنج باندی جوړ کړ کوم چه د شمالی بدخشان او د تاجکستان د ګورنو ولایت سره نښلوي او ددی  دواړو خوا اسماعیلی شیعه ګان میشت دي!!

 

۲)د تاجکستان سیمی: د تاجکستان شرقی سیمی لکه ګورنو ولایت  هم داسماعیلی شیعه ولس ځای دی او  ورسره د پامیر نښتی سیمی هم . دوی ټول کریم آغا خان ته ډیر احترام لري . په نژدی وختونو کی آغاخان څو کرته دی سیمی ته پخپله تللی او سیمه ییز خلکو ان سجدی ورته هم کړي او د خدای په سترګه ورته ګوري!. آغا خان د منځنی آسیا د پوهنتون په نوم یو ځانګړی شخصی پوهنتون هم جوړ کړی چه د هغه شاخونه د تاجکستان په ګورنو او دوشنبه کی ، همدا راز په قرغیزستان او قزاقستان کی هم دي . پدی دری واړه هیوادونو کی اسماعیلی شیعه میشت دي ! پدی ځانګړي پوهنتون  کی آغا خان د همدی غریزو سیمو په شمول د افغانستان اسماعیلی هلکان او نجونی راجلبوي او بیا یی غربی نامتو پوهنتونو ته هم لیږي چه د راتلونکی لوبی ښه او تکړه لوبغاړی ورنه جوړ کړي! ( وګورئ دووم انځور کی د پوهنتون ځایونه او د پروژو ځایونه )

 

۳)د شمالی پښتونخواه (پاکستان ) سیمی: د پښتونخواه ایالت هغه شمالی غریزي سیمی دي چه د ګلګت بلتستان په نوم پیژندل کیږي .دا د هسکو غرونو ښکلی سیمی د چترال او کوهستان سره نښتی دی او د افغانستان د نورستان ، بدخشان او واخان سره هم وصل دي. بدبختانه پر دی سیمو کی هم اسماعیلی شیعه ولس شتون ولري . دلته دوی ډیر فعاله ده او د بلاوارستان په نوم یو ځانګړی خوزښت هم شته کوم چه د ا مریکا د نظارت لاندی  د پاکستان او چین پر ضد کار کوي او د سیمی خپلواکی غواړي. په نژدی وختونو کی په اسلام آباد کی د امریکا د سفارت ځنی دپلوماتان هم دی سیمی ته ورغلی ؤ چه د خلکو او سیمی د حال جاج واخلي!

 

۴)د چین سیمی :  همدا راز زموږ د افغانستان واخان ختيځ ته د چین د سنکیانګ او یوغور سیمی دي چه هلته هم اسماعیلی شیعه ګان د کریم آغا خان د امامت تر چتر لاندی شتون لري .چین د هونزه ډیره سیمه هم نیولی چه هلته اسماعیلی هم شته.

۵)د کشمیر سیمه: د کشمیر ښکلی غریزه سیمه هم د همدی ذکر شوي سیمو سره نښتی ده او له ډیری مودی راهیسی متنازعه هم ده.

 یادی شوی ټولو سیمی ځنی مشترکی ځانګړتیاوی لري . دا ټولی غریزی ښکلی سیمی د آسیا  بام او تخت جوړه وي ، هغه تخت کوم چه د نړئ تر ټولو ستراتیژیک موقعیت دی او له دی ځایه ټوله آسیا څارلی شي . (سره د چین ، روس ، کوریا، افغانستان او نور) . دا د آسیا هغه سویس غمئ دی چه دوی پری مین دي!! برسیره پر دی دا ټوله غریزه سیمه د نړي لویی معدنی زیرمی لکه  یورانیم ، طلا ، قیمتی کاڼي او داسی نور هم لري . یواځی د ګلګت بلتستان سیمی د زیرمو اندازه ۵۰۰ تریلیونه دالره ده. پرنګیان او د هغوی امریکایی ملګري د آغا خان په مرسته غواړي چه د افغانستان ، تاجکستان ، چین ، شمالی پښتونخواه (پاکستان ) او د متنازعه کشمیر دا ټولی  نښتی غریزي سیمی چه اسماعیلی شیعه ګان پکی میشت دي ، سره یو ځای کړي او د یو مستقل هیواد په حیث یی رامنځ ته کړي!!!! دلته به کریم آغا خان ناست وي په مزکه د خدای د سیوری په حیث او تر شا به یی پرنګیان/امریکایان! کریم آغا خان همدا اوس پر دی پراخه پروژه  تود کار پیل کړی او په اړوندو سیمو کی په چټکی سره کار روان دی. خوار افغانان او تاجکان یی پروژو ته ګډیږي خو خبر ندي چه د ډول د غږ تر شا د دوی د جنازی تور غږ هم ورسره مل دي!!! وږی ته مرګ او ډوډی یو شی دی!

 

 خلاصه دا چه د دوو سوو کلنو په ترڅ کی چه کوم شراکت د اسماعیلی آغا خانیانو او پرنګیانو تر منځ د هند په مزکه  واقع شوی ؤ ، هغه شراکت اوس یو نوی او ډیر په زړه پوری پړاو ته ور ننوتی . د آغا خان په هویت کی چه کوم تخم پرنګی دوه سوه کاله پخوا پدی غریزی سیمی کی کرلی ؤ ، هغه  اوس زرغون شوی او  خوږه میوه یی هم نیولی ده . د دوو سوو کلنو د صبر میوه خو به هسی هم خوارا خوږه وي!! همدا راز طالب ،ځانمرګي ، ملا عمر ، اسامه ، القاعده  دا ټول د همدی لویی لوبی پوری اړوندی نوری لوبی دی چه غربی استثمار په سیمه کی روانی کړی تر څو خپلو اصلی موخو ته ورسیږي .  دا ټول د غرب د شیطانی شطرنج هغه موری دي چه دیخوا او هغه خوا ته خوزیږي  او په  یو نوم او بل نوم د جنګ اور ته ادامه ورکوي !!! استثمار پدی پوه دی چه په سیمه کی د لویی ګډوډئ د رامنځ ته کولو نه پرته دوی نشی کولای چه خپل وروستی هدف ته ورسیږي نو ځکه خو له پامیره تر بولانه دا لوی غوبل روان دی!!!!!

 

 

Comments (1821)

2500 characters remaining

Cancel or

  • Josephsoync
    viagra uk online prescription viagra without a doctor prescription cheaper levitra viagra viagra without a doctor prescription can i take half viagra pill canadian pharmacies online generic viagra us pharmacy canadian pharmacies online buy viagra taipei
  • Stevenheamp
    Buy Generic Diazepam Online
  • Robertlum
    Purchasing Lorazepam online
  • RobertHoire
    can i get an erection without viagra viagra without a doctor prescription advice buying viagra online viagra without a doctor prescription buy legal viagra canadian pharmacies online viagra online quick delivery canadian pharmacies online buying viagra from canada safe
  • Edwardshown
    buy viagra local chemist viagra without a doctor prescription ricetta online per viagra viagra without a doctor prescription where to buy viagra and cialis online canadian pharmacies online where is a safe place to buy viagra online canadian pharmacies online quantas mg de viagra tomar
  • Edwardshown
    how long does 25 mg of viagra last viagra without a doctor prescription generic sildenafil citrate canada viagra without a doctor prescription argentina viagra online canadian pharmacies online can you take half a viagra pill canadian pharmacies online best real viagra prices
  • AndreaDyert
    Is it possible to reduce the price of Lorazepam medication?
  • Jamestunny
    20 mg levitra viagra viagra without a doctor prescription buying viagra over the counter in spain viagra without a doctor prescription buy viagra online bangalore canadian pharmacies online cheap viagra cialis online canadian pharmacies online viagra pfizer 100mg ohne rezept
  • Dennisobsem
    buy viagra nsw can get viagra my gp is buying viagra online legal in uk best generic viagra forum
  • Dennisobsem
    fda cialis online cialis generico spedizione gratuita genericos do viagra nomes happens if you take 2 cialis pills
  • AllenNah
    http://medicnew.us/ IgnokeNuttyetest
  • EmilyBok
    http://www.mystorex.com/ IgnokeNuttyetest
  • LucilleVak
    http://nickelr.us/ IgnokeNuttyetest
  • RubenVon
    http://haushaltshop.eu/ IgnokeNuttyetest
  • Donaldtip
    which pill is better viagra or cialis viagra without a doctor prescription how long does 50mg of viagra last viagra without a doctor prescription 100mg viagra street price canadian pharmacies online many pills take viagra canadian pharmacies online viagra generico prezzo
  • MarisaMum
    http://dbaby.eu/ IgnokeNuttyetest
  • BrianRoult
    http://haushaltx.eu/ IgnokeNuttyetest
  • Nathanled
    http://kitchendeals.us/ IgnokeNuttyetest
  • Sarahduh
    http://fitnesdeals.us/ IgnokeNuttyetest
  • Romeohiz
    http://clomidrx.com/ IgnokeNuttyetest

Afghan Jirga on FAcebook

Afghan Jirga on Twitter

 Afghan Jirga on Yotube